ԿԼ․ «Նոան» պարտության է մատնում «ԱԵԿ-ին»
Օգոստոսի 6-ին Աբովյան քաղաքի Վահագն Թումասյանի անվան ստադիոնում կայացավ ՈւԵՖԱ Կոնֆերենցիաների լիգայի որակավորման երրորդ փուլի առաջին՝ «Նոա» - «ԱԵԿ» (Հունաստան) հանդիպումը:
Հայաստանի փոխչեմպիոնն առաջին խաղակեսում առաջինը գնդակ բաց թողեց։ 22-րդ րոպեին Լևի Գարսիան աչքի ընկավ հունական թիմի կազմում։ 12 րոպե անց «Նոան» պատասխանեց Վիրջիլ Պինսոնի դիպուկ հարվածով։ Երկրորդ կեսի մեկնարկում «ԱԵԿ-ը» փորձեց ճնշել դաշտի տերերին, սակայն գրոհներից և ոչ մեկն արդյունավետ չստացվեց։ «Նոան» «ԱԵԿ-ի» գրոհներին պատասխանեց դարպասապահ Օգնյեն Չանչարևիչի գոլով, որի ուժեղ հարվածը սեփական տուգանային հրապարակից արդյունքում հայտնվեց Տոմաշ Ստրակոշայի պաշտպանած դարպասում։ Մնացած ժամանակահատվածում «Նոան» ոչ միայն կարողացավ պաշտպանվել, այլև մեծացնել առավելությունը։ Հիմնական ժամանակին ավելացրած 8-րդ րոպեին «Նոայի» երրորդ գոլն իր հաշվին գրանցեց Գոնսալո Գրեգորիուն՝ 3:1։
ՈՒԵՖԱ Կոնֆերենցիաների լիգայի որակավորման երրորդ փուլի պատասխան հանդիպումը «Նոան» կանցկացնի մրցակցի հարկի տակ՝ Աթենքում, օգոստոսի 15-ին:
