«Նոան» ու «Արարատ-Արմենիան» 3 միավոր վաստակեցին
Հայաստանի Պրեմիեր լիգայի 12-րդ տուրում առաջատար «Նոան» հյուրընկալվելիս 3։1 հաշվով կամային հաղթանակի հասավ «Սյունիքի» նկատմամբ։
5-րդ րոպեին Գոդվին Էբի Կալուն առաջ մղեց տանտերերին։ 17 րոպե անց անց հյուրերից Հելդեր Ֆերեյրան 11 մետրանոցից խփեց պատասխան գնդակը։ Պորտուգալացի ֆուտբոլիստի համար սա 8-րդ գոլն էր ընթացիկ մրցաշրջանում։ Նա հավասարվեց «Սարդարապատի» հարձակվող Լևոն Պետրոսյանին։
2-րդ կեսում Մարկո Լազետիչի դուբլը 3 միավոր պարգևեց «Նոային»։ 22-ամյա ֆուտբոլիստը «Ալաշկերտից» Դոմի Մասումոյի հետ 9 գոլով գլխավորում է լավագույն ռմբարկուների ցանկը։
Պաբլո Գարսիայի թիմը 31 միավորով առաջինն է մրցաշարային աղյուսակում։ «Սյունիքը» 10-րդն է 8 միավորով։
Օրը հաղթական էր նաև գործող չեմպիոնի՝ «Արարատ-Արմենիայի» համար։ Մանուել Տուլիպայի գլխավորած թիմը 3 անպատասխան գնդակ ուղարկեց «Գանձասարի» դարպասը։
Աչքի ընկան Արթուր Սերոբյանը և Սանդրո Լիման, իսկ Արթուր Միխայելյանը գրավեց սեփական դարպասը։ Հաղթանակի շնորհիվ «Արարատ-Արմենիան» 29 միավորով 2-րդն է։ «Գանձասարը» 3 միավորով եզրափակում է մրցաշարային աղյուսակը։
Հայաստանի Պրեմիեր լիգա, Տուր 12
«Սյունիք» - «Նոա»՝ 1։3
Մարզադաշտ՝ Սիսիան Քաղաքային
Մրցավար՝ Սարգիս Խաչատրյան
Գոլերը՝ Գոդվին Էբի Կալու 5, Հելդեր Ֆերեյրա 22, Մարկո Լազետիչ 57, 82
Խաղի արձանագրությունը
Հայաստանի Պրեմիեր լիգա, Տուր 12
«Արարատ-Արմենիա» - «Գանձասար»՝ 3։0
Մարզադաշտ՝ Ջունիոր Սպորտ
Մրցավար՝ Յուրա Մահտեսյան
Գոլերը՝ Արթուր Սերոբյան 9, Սանդրո Լիմա 28, Արթուր Միխայելյան 75 (ԻԳ)
Խաղի արձանագրությունը
