«Սարդարապատը» ու «Նոան» 3 միավոր վաստակեցին
Հայաստանի Պրեմիեր լիգայի 13-րդ տուրում «Սարդարապատը» 1։0 հաշվով գերազանցեց «Արարատին»՝ անպարտելիության շարքը հասցնելով 4 անընդմեջ խաղի։
7-րդ րոպեին միակ գնդակը խփեց Լևոն Վարդանյանը։ 24-ամյա ֆուտբոլիստի համար այս գոլը 3-րդն էր ընթացիկ մրցաշրջանում։
Հաղթանակի շնորհիվ Ալեքսանդր Տոռեսի գլխավորած թիմը 20 միավորով 5-րդն է։ «Արարատը» 9-րդն է 11 միավորով։
Օրվա մյուս մրցավեճում միանման հաշվով հաղթեց նաև «Նոան»։ Պաբլո Գարսիայի գլխավորած թիմն ուժեղ էր «Շիրակից»։
Առաջին կեսի վերջում միակ գնդակը հեղինակեց Մարկո Լազետիչը։ Սերբ ֆուտբոլիստը 10 գոլով գլխավորում է լավագույն ռմբարկուների ցանկը։
«Նոան» առաջատարն է 34 միավորով։ «Շիրակը» 14 միավորով 7-րդն է։
Հայաստանի Պրեմիեր լիգա, Տուր 13
«Սարդարապատ» - «Արարատ»՝ 1։0
Մարզադաշտ՝ Հ․Տոնոյանի անվան Քաղաքային
Մրցավար՝ Աշոտ Ղալթախչյան
Գոլը՝ Լևոն Վարդանյան 7
Խաղի արձանագրությունը
Հայաստանի Պրեմիեր լիգա, Տուր 13
«Նոա» - «Շիրակ»՝ 1։0
Մարզադաշտ՝ Վ․Թումասյանի անվան մարզահամալիր
Մրցավար՝ Զավեն Հովհաննիսյան
Գոլ՝ Մարկո Լազետիչ 40
Խաղի արձանագրությունը
